Afrikaans kopieskrif
Afrikaans leef. Dit skiet soos ‘n masjiengeweer koeëls uit die monde van Afrikaners en vloei glad uit die pen van moedertaalskrywers. Dit laat ons voel, dit laat ons oë swem van die trane, dit laat ons harte pyn van verlange en dit laat ons oopmond lag van vreugde.
Om in Afrikaans te skryf is 'n kuns. Dit is nie 'n gawe wat sommer gekweek kan word soos mooi sit, toemond kou of ordentlik 'Oom' en 'Tannie' sê nie. Laat jou webblad, bemarkings- en advertensiekopie dans en flankeer met jou teikenmark. Prikkel jou lesers se sintuie sodat hulle onwillekeurig die woorde hardop prewel en vir pure plesier die sinsnedes op hulle tong rond rol.
Praat. Ons luister.
